Żewġ persuni jweġġgħu f’inċidenti separati tat-traffiku

(PR 74/26 )

February 9, 2026

Żewġ persuni jweġġgħu f’inċidenti separati tat-traffiku

Raġel u mara ttieħdu l-Isptar Mater Dei wara li weġġgħu f’żewġ inċidenti separati tat-traffiku aktar kmieni dagħlodu.

L-ewwel inċident seħħ għall-ħabta ta’ l-għaxra u nofs ta’ filgħodu (1030hrs), fi Triq tal-Providenza s-Siġġiewi. Mill-ewwel stħarriġ irriżulta li mara ta’ 50 sena minn Ħaż-Żabbar, tilfet il-kontroll tal-vettura ta’ l-għamla Toyota Auris u ħabtet f’ħajt. Fil-vettura magħha kien hemm ukoll mara ta’ 28 sena residenti Ħal Safi.

It-tieni inċident seħħ għall-ħabta tal-ħdax nieqes kwart ta’ filgħodu (1045hrs), fi Triq Burmarrad, Burmarrad. Mill-investigazzjonijiet preliminari rriżulta li kienet seħħet ħabta bejn Land Rover misjuqa minn raġel ta’ 66 sena residenti San Pawl il-Baħar u mutur Piaggio Vespa misjuq minn raġel ta’ 33 sena residenti s-Swieqi.

Tim mediku ta l-assistenza fiż-żewġ inċidenti u x-xufier tal-mutur kif ukoll il-passiġġiera ta’ 28 sena li kienet fil-vettura Toyota ttieħdu l-isptar b’ambulanza għall-kura medika. Aktar tard ġew iċċertifikati bi ġrieħi gravi. Aktar tard huma ġew iċċertifikati li weġġgħu gravi.

L-investigazzjonijiet tal-Pulizija għadhom għaddejjin.

Żewġ persuni jweġġgħu f’inċidenti separati tat-traffiku

© Gvern ta' Malta

2026