Biex inkunu l-aħjar, irridu nattiraw l-aħjar.
Li tkun pulizija mhux faċli, mhemmx dubju dwar dan! Madankollu, huwa wieħed mill-iżjed xogħlijiet li jtik sodisfazzjon. Inti tkun fuq quddiem tas-sistema tal-ġustizzja kriminali u tas-sħubija mal-komunità.
Bħala pulizija se tkun qed:
Li nagħmlu differenza huwa dak li l-aktar jimmotiva lill-uffiċjali tagħna.
Riċentament, daħal fis-seħħ ftehim settorjali ġdid. B’riżultat ta’ dan, l-uffiċjali qed jibbenefikaw minn żieda fis-salarju u kundizzjonijiet tax-xogħol aħjar.
Il-post ta’ Kuntistabbli tal-Pulizija għandu salarju ta’ madwar €19,000 fis-sena. Barra minn hekk, allowances addizzjonali u benefiċċji jistgħu jżidu l-paga tiegħek għal aktar minn €27,000 fis-sena.
Hemm ukoll ħafna opportunitajiet għall-promozzjoni u speċjalizzazzjoni.
Kemm irid ikolli żmien biex napplika?
Irid ikollok mill-inqas 18-il sena imma ma taqbiżx id-39 sena.
Hemm restrizzjoni fuq it-tul?
Le.
X’inhu livell raġonevoli ta’ “fitness” biex issir uffiċjal tal-pulizija?
Ikollok tgħaddi minn test tal-fitness bħala parti mill-applikazzjoni tiegħek u wkoll bħala parti mit-taħriġ bażiku tiegħek.
Jien mhux ċittadin Malti. Xorta nista’ napplika?
L-applikanti huma meħtieġa li jkunu ċittadini Maltin.
Il-applikanti jrid ikollhom:
Applikanti li għandhom Diploma Livell 3 tal-MQF fl-MCAST, jew First Diploma tal-MCAST-BTEC, jew Diploma tal-MCAST-BTEC jew Ċertifikat ta’ Livell 2 tas-City and Guilds jiġu kkunsidrati wkoll sakemm ikun suġġett relatat mal-infurzar tal-liġi. Kwalifiki f’livell ogħla minn dak speċifikat hawn fuq jiġu aċċettati, sakemm jissodisfaw ir-rekwiżiti.
Il-Korp tal-Pulizija ta’ Malta jippermetti it-tattoos skont il-policy tad-dipartiment. Iż-żoni permessi tat-tattoos huma maqsuma fi tliet kategoriji distinti u kull waħda minnhom għandha regolament differenti.
|
Referenza |
Żona |
Regolament |
|
Tattoos Ma Jidhrux |
Mhux Regolat |
|
|
Tattoos Jidhru |
Regulat |
|
|
Tattoos ta’ Estremitajiet |
Ipprojbit |
X’jinvolvi l-ivvettjar?
Ivvettjar ifisser li l-Korp tal-Pulizija ta’ Malta se jagħmel security checks estensivi fuq il-kandidati kollha, inkluż fuq:
Xorta nista’ napplika jekk inkun ikkommettejt xi reat kriminali?
Il-kandidati huma mistennija li jkollhom kondotta nadifa, xieraq għall-irwol li applikaw għalih.
Jekk nissieħeb fil-Korp, nista’ nkompli b’negozju ieħor tiegħi?
Għandek tiddikjara kwalunkwe impjieg alternattiv jew kwalunkwe negozju ieħor li biħsiebek iżżomm.
Deċiżjoni dwar jekk l-interess tan-negozju tiegħek huwiex kompatibbli mal-qadi tal-irwol ta’ uffiċjal tal-pulizija fi ħdan il-Korp tal-Pulizija ta’ Malta se ssir abbażi tal-informazzjoni li tipprovdi.
Jekk għandek xi mistoqsijiet oħra jew tixtieq tkun taf aktar dwar is-sħubija mal-Pulizija ta’ Malta jekk jogħġbok ikkuntattja lit-tim tar-riżorsi umani tagħna fuq [email protected] jew ibgħatilna messaġġ fuq m.me/themaltapoliceforce.
Għaliex il-proċess tal-applikazzjoni jieħu daqshekk fit-tul?
Il-pubbliku jistenna li kull pulizija jaqdi dmiru b’mod ġust u imparzjali. Għalhekk, il-proċess tal-applikazzjoni huwa wieħed rigoruż li jista’ jieħu bejn erba’ u tmien xhur, skont in-numru ta’ applikanti.
Inħoss li għandi nuqqas ta’ esperjenza.
Taqtax qalbek biex tapplika. Ħafna drabi forsi ma tirrealizzax li għandek il-ħiliet li qed infittxu!
Il-pulizija hija karriera riskjuża?
Sitwazzjonijiet ta’ sfida huma n-norma fil-Korp tal-Pulizija. Qatt ma tista’ tbassar ma’ xiex se tiltaqa’. Madankollu, serraħ rasek li l-Korp tal-Pulizija se jipprovdilek it-taħriġ, l-apparat, u l-appoġġ kontinwu meħtieġ biex taffaċċja dak kollu li se jkollom quddiemek, biex ma nsemmux 2,300 kollega lesti li jgħinuk.
X’sigħat se nkun qed naħdem?
Il-ġimgħa normali tax-xogħol hija ta’ 42 siegħa f’xift ta’ Ġurnata, Lejl, Mistrieħ u Off. Dan ikun jinkludi ljieli, tmiem il-ġimgħa, u festi pubbliċi. Ix-xiftijiet se jkunu disponibbli minn qabel, jiġifieri dejjem se tkun taf meta se tkun xogħol.
