(PR 89/25)
Il-ħidma kontinwa tal-Pulizija kontra t-traffikar tad-droga wasslet biex kmieni dalgħodu jiġu arrestati żewġt irġiel wara li allegatament kienu qegħdin jittraffikaw id-droga.
Wara ġranet ta’ sorveljanza fuq stabbilmenti fi Triq Qrajten, Tal-Pietà, dalgħodu l-Pulizija avviċinaw stabbiliment fejn innutaw liż-żewġt irġiel fuq barra tiegħu jgħaddu xi affarijiet lil xulxin.
Tfittxija li saret fuq wieħed mill-irġiel instabu qratas ta’ sustanza suspettata droga eroina, allegatament lesti biex jiġu ttraffikati, filwaqt li r-raġel l-ieħor ukoll inżamm arrestat sabiex jgħin fl-investigazzjoni li tinsab għaddejja.