PR 584/26
Ilbieraħ, għall-ħabta tal-għaxra ta’ filgħaxija (2200hrs), il-Pulizija ġiet infurmata li kien hemm bżonn l-assistenza fi Triq l-Imdina, Ħaż-Żebbuġ.
Il-Pulizija marret mill-ewwel fuq il-post u hemmhekk irriżulta li tfajla ta’ 15-il sena li kienet qed issuq e-kick scooter, tilfet il-kontroll u nqalbet.
It-tfajla ngħatat l-assistenza minn tim mediku u ttieħdet l-Isptar Mater Dei b’ambulanza. Aktar tard, kienet iċċertifikata bi ġrieħi serji.
Il-Maġistrat Dr Renata Farrugia LL.D ġiet infurmata bil-każ u ħatret inkjesta.
L-investigazzjonijiet tal-Pulizija dwar dan l-inċident għadhom għaddejjin.