(PR 388/25)
Illum, għall-ħabta tas-sitta neqsin kwart ta’ waranofsinhar (1745hrs), il-pulizija kienet
infurmata li seħħet sparatura fl-inħawi magħrufa bħala l-Kunċizzjoni, limiti tar-Rabat.
Il-Pulizija marru immedjatament fuq il-post, fejn hemmhekk sabu żewġt irġiel ta’ 51 u 57 sena
residenti s-Siġġiewi u r-Rabat rispettivament, feruti bi ġrieħi allegatament ikkawżati minn
arma tan-nar.
Fuq il-post irrapporta tim mediku li sfortunatament iċċertifika liż-żewġ vittmi mejta.
L-allegat aggressur li għandu 72 sena u huwa residenti Ħaż-Żebbuġ ġie arrestat mill-Pulizija
għall-ħabta tat-tmienja u nofs (2030hrs).
Minn investigazzjonijiet preliminari tal-pulizija jirriżulta li wieħed mill-vittmi huwa t-tifel tassieħba tal-allegat aggressur, filwaqt li l-vittma l-ieħor huwa r-raġel tat-tifla tas-sieħba talallegat aggressur.
Bil-każ kien infurmat l-Maġistrat tal-Għassa Dr Joe Mifsud LL.D li ħatar inkjesta.