(PR 455/25)
Raġel ta’ 41 sena residenti Ħaż-Żebbuġ, sfortunatament tilef ħajtu wara li ħa xokk u waqa’ f’gandott waqt li kien qed jaħdem.
L-inċident seħħ għall-ħabta tan-nofsiegħa ta’ waranofsinhar (1230hrs), fi Triq il-Pamla, fil-limiti ta’ Għajn Tuffieħa.
Fuq il-post issejjaħ tim mediku u membri tal-Protezzjoni Ċivili sabiex jassistu, u ambulanza ħadet lill-vittma l-Isptar Mater Dei għall-kura. Sfortunatament huwa kien iċċertifikat mejjet ftit tal-ħin wara.
Il-Maġistrat Dr Joseph Mifsud LL.D ġie infurmat bil-każ u ħatar inkjesta.
L-investigazzjonijiet mill-Pulizija, flimkien mal-Awtorità għas-Saħħa u s-Sigurtà fuq il-post tax-Xogħol għadhom għaddejjin.