(PR 482/25)
Illum, għal xi s-siegħa ta’ filgħodu (0100hrs), il-Pulizija ġiet infurmata li kien hemm bżonn l-assistenza ġewwa stabbiliment fi Triq Ġorġ Borġ Olivier, San Ġiljan.
Il-Pulizija marret minnufih fuq il-post u minn stħarriġ preliminari li sar irriżulta li Amerikan ta’ 40 sena, għal xi raġuni kien waqa’ madwar sular għoli ġewwa stabbiliment.
Fuq il-post issejjaħ tim mediku mill-Isptar Mater Dei u ambulanza ħadet il-vittma l-isptar sabiex jingħata l-kura meħtieġa. Aktar tard, ir-raġel ġie ċċertifikat li qed isofri minn ġrieħi serji.
Il-Maġistrat Dr Monica Borg Galea LL.D ġiet infurmata bil-każ u ħatret inkjesta, filwaqt li l-investigazzjonijiet tal-Pulizija għadhom għaddejjin.