(PR 559/25)
Illum, għall-ħabta tal-ħdax neqsin kwart ta’ filgħodu (1045hrs), il-Pulizija ġiet infurmata li kien hemm bżonn l-assistenza tagħha fi Triq Nigel Dennis, Wied il-Għajn.
Il-Pulizija marret immedjatament fuq il-post u mill-ewwel investigazzjonijiet irriżulta li raġel
ta’ 25 sena u residenti Ħal Għaxaq, sofra xi ġrieħi wara li nqabad bejn tow-truck u ħajt.
Fuq il-post issejħu l-membri mid-Dipartiment tal-Protezzjoni Ċivili, kif ukoll tim mediku, u ambulanza ħaditu l-Isptar Mater Dei sabiex jingħata l-kura meħtieġa. Aktar tard, huwa ġie ċċertifikat li weġġa’ gravi.
L-investigazzjonijiet tal-Pulizija dwar dan l-inċident għadhom għaddejjin.