(PR 561/25)
Illum, għall-ħabta tad-disgħa u kwart ta’ filgħodu (0915hrs), il-Pulizija ġiet infurmata li kien hemm bżonn l-assistenza f’sit ta’ kostruzzjoni f’Daħlet Pawluzzu, San Lawrenz, Għawdex.
Il-Pulizija marret minnufih fuq il-post u minn stħarriġ preliminari rriżulta li raġel mill-Ghana ta’ 36 sena, kien sofra xi ġrieħi waqt li kien qed jaħdem bi grinder.
Il-vittma ngħata l-għajnuna minn tim mediku u ttieħed l-Isptar Ġenerali t’Għawdex b’ambulanza. Aktar tard, huwa ġie ċċertifikat li weġġa’ gravi.
L-investigazzjonijiet mill-Pulizija, flimkien mal-Awtorità għas-Saħħa u s-Sigurtà fuq il-post tax-
Xogħol għadhom għaddejjin.