(PR 439/26)
Raġel ta’ 50 sena, sofra ħruq f’inċident li seħħ ilbieraħ filgħaxija fir-residenza tiegħu stess fi Triq il-Ħtajriet, fil-Mosta.
Kienu għall-ħabta tas-sebgħa u nofs ta’ filgħaxija (1930hrs), xħin il-Pulizija ġiet infurmata li r-raġel sofra ġrieħi waqt li kien fuq il-bejt tar-residenza. Minn investigazzjonijiet preliminari rriżulta li r-raġel sofra ħruq meta għal xi raġuni, fuel li kien qed juża biex iqabbad BBQ ġie fuqu.
Minnufih fuq il-post wasal tim mediku kif ukoll membri mid-Dipartiment tal-Protezzjoni Ċivili li taw l-assistenza. Huwa ttieħed l-Isptar Mater Dei b’ambulanza fejn aktar tard kien iċċertifikat bi ġrieħi serji.
L-investigazzjonijiet tal-Pulizija għadhom għaddejjin.