(PR 462/25)
Raġel ta’ 41 sena mit-Tajlandja sofra ġrieħi serji wara inċident li seħħ il-bieraħ filgħaxija fil-marina tal-Port tal-Imġarr, Għawdex.
Kienu għall-ħabta tad-disgħa u kwart ta’ filgħaxija (2115hrs), xħin il-Pulizija ġiet infurmata li seħħet splużjoni fuq lanċa.
Il-Pulizija marret minnufih fuq il-post fejn sabet lir-raġel bi ġrieħi u għaldaqstant intalbet l-assistenza medika. Huwa ttieħed l-Isptar Ġenerali ta’ Għawdex b’ambulanza, fejn ġie ċċertifikat bi ġrieħi serji.
Membri mill-Forzi Armati ta’ Malta u kif ukoll dawk mill-Protezzjoni Ċivili assistew fil-każ.
Il-Maġistrat Dr Simone Grech LL.D ġiet infurmata bl-inċident u ħatret inkjesta. L-investigazzjonijiet tal-Pulizija għadhom għaddejjin.