(PR 280/25)
Ilbieraħ, għall-ħabta tas-sitta u kwart ta’ filgħaxija (1815hrs), il-Pulizija ġiet infurmata li kien hemm bżonn l-assistenza tagħha ġewwa bajja f’Għajn Tuffieħa.
Il-Pulizija marret immedjatament fuq il-post u mill-ewwel investigazzjonijiet irriżulta li ġuvni ta’ 17-il sena mir-Repubblika Duminikana kien qabeż il-baħar u ħabat rasu. Xi nies li kien hemm fil-viċin taw l-ewwel għajnuna u tellgħu lir-raġel mill-baħar.
Tim mediku wasal fuq il-post u hu ttieħed l-Isptar Mater Dei b’ambulanza. Aktar tard huwa ġie iċċertifikat f’qagħda serja.
Il-Maġistrat ġie infurmat bil-każ u ħatar inkjesta filwaqt li l-investigazzjonijiet mill-Pulizija għadhom għaddejjin.