(PR 502/25)
Illum, għal xi s-siegħa ta’ waranofsinhar (1300hrs), il-Pulizija ġiet infurmata li kien hemm bżonn l-assistenza tagħha fi Triq il-Qalb ta’ Ġesu, il-Birgu.
Il-Pulizija marret immedjatament fuq il-post, fejn hemmhekk sabet raġel ta’ 33 sena residenti Bormla ferut bi ġrieħi allegatament ikkawżati minn arma tan-nar.
Fuq il-post irrapporta tim mediku li ta l-għajnuna u ambulanza ħaditu l-Isptar Mater Dei, fejn ġie ċċertifikat f’qagħda serja.
L-allegat aggressur li għandu 70 sena u huwa residenti l-Birgu ġie arrestat mill-Pulizija fil-viċinanzi fejn seħħ il-każ.
Bil-każ ġiet infurmata l-Maġistrat Dr Monica Borg Galea LL.D li ħatret Inkjesta Maġisterjali.
L-investigazzjonijiet tal-Pulizija għadhom għaddejjin.