(PR 546/25)
Raġel ta’ 44 sena residenti l-Belt Valletta, il-Ħamis ġie arrestat wara li fil-pussess tiegħu nstabu ammont konsiderevoli ta’ qratas b’sustanzi suspettati kokaina u eroina, allegatament bi skop ta’ traffikar, bil-valur fi triq ilaħħaq l-€14,000.
Wara jiem ta’ investigazzjonijiet fuq suspett, il-Pulizija nnutaw lir-raġel isuq vettura fil-Marsa. Huwa twaqqaf minnufih, però kif lemaħ lill-Pulizija, deher jarmi borża mill-karozza.
Minħabba suspett raġjonevoli, saret tfittxija fuqu u fil-karozza, fejn instabu mal-210 qartas bi droga suspettati kokaina u 69 qartas bi droga suspettata eroina, kif ukoll ammont ta’ flus kontanti.
B’rabta ma’ dan il-każ infetħet inkjesta maġisterjali, waqt li r-raġel qiegħed jinżamm fil-lock-up tal-Pulizija l-Furjana. Huwa mistenni jitressaq il-Qorti, illum, għal xi l-ħdax ta’ filgħodu (1100hrs) quddiem il-Maġistrat Dr Victor Axiak LL.D.