(PR 172/26)
Ilbieraħ għall-ħabta tat-tlieta u nofs ta’ waranofsinhar (1530hrs), waqt li l-pulizija kienu fuq ronda fi Trejqet San Pietru, fil-Ħamrun innutaw persuna li kien allegatament qed jgħaddi pakkett b’sustanza suspettata droga lil persuna oħra.
Ir-raġel, Libjan ta’ 36 sena, ġie mwaqqaf mill-pulizija fejn minn tfittxija li saret fuqu, instabu
28 qartas b’sustanza suspettata droga sintetika, flimkien ma’ ponn tal-ħadid u ammont ta’ flus kontanti.
Il-pulizija wettqet ukoll tfittxija fir-residenza tar-raġel fi Triq il-Farfett, il-Marsa, fejn hemmhekk instabet iżjed droga sintetika, flimkien ma’ blokki ta’ sustanza suspettata reżina tal-kannabis u oġġetti oħra relatati mat-traffikar tad-droga.
Ir-raġel se jitressaq il-qorti llum għall-ħabta ta’ nofsinhar, quddiem il-Maġistrat Dr Claire Stafrace Zammit LLD.