(PR 527/25)
Grieg ta’ 37 sena ġie arrestat wara sejba ta’ 25 kilogramma sustanza suspettata kokaina li kienet se tiddaħħal Malta minn Sqallija, b’valur fis-suq li jlaħħaq madwar €1.5 miljun.
Huwa twaqqaf waqt kontrolli fuq vetturi li kienu neżlin mill-katamaran il-Ħamis filgħaxija. Ir-raġel kien qiegħed isuq Opel u beda jaġixxi b’mod suspettuż.
Il-vettura ttieħdet fil-garaxx tal-Pulizija u minn tfittxijiet li saru, f’kompartamenti foloz tal-injam li kien hemm fil-ġenb tal-karozza, instabu 25 pakkett bid-droga, b’kilo droga f’kull pakkett.
Bis-sejba kien infurmat il-Maġistrat Dr Philip Galea Farrugia LL.D li ħatar inkjesta.
Ir-raġel qiegħed jinżamm fil-lock-up tal-Pulizija l-Furjana u mistenni jitressaq il-Qorti illum, għall-ħabta tal-ħdax u nofs ta’ filgħodu (1130hrs) quddiem il-Maġistrat Dr Gabriella Vella LL.D.
L-investigazzjonijiet tal-Pulizija għadhom għaddejjin.