(PR 30/26)
Illum, għall-ħabta tas-siegħa ta’ waranofsinhar (1300hrs), il-Pulizija ġiet infurmata b’inċident tat-traffiku fi Triq Sant’Andrija, is-Swieqi.
Il-Pulizija marret minnufih fuq il-post u minn stħarriġ preliminari rriżulta li mara ta’ 70 sena residenti Pembroke ħabtet ma’ ħajt waqt li kienet qiegħda ssuq Toyota Starlet u sofriet xi ġrieħi.
Fuq il-post issejjaħ tim mediku u l-mara ttieħdet b’ambulanza l-Isptar Mater Dei fejn aktar tard, ġiet iċċertifikata bi ġrieħi serji.
Il-Maġistrat Dr Joe Mifsud LL.D ġie infurmat bil-każ u ħatar inkjesta filwaqt li l-investigazzjonijiet tal-Pulizija dwar dan l-inċident għadhom għaddejjin.