(PR 333/26)
Illum, għall-ħabta tat-tmienja neqsin kwart ta’ filgħodu (0745hrs), il-Pulizija ġiet infurmata li kien hemm bżonn l-assistenza f’residenza fi Triq il-Qajjenza, Birżebbuġa.
Il-Pulizija marret minnufih fuq il-post u minn stħarriġ preliminari li sar, irriżulta li mara ta’ 53 sena, waqgħet għoli ta’ żewġ sulari minn tieqa.
Fuq il-post issejjħu l-membri mid-Dipartiment tal-Protezzjoni Ċivili, kif ukoll tim mediku, u ambulanza ħadet lill-vittma l-Isptar Mater Dei għall-kura meħtieġa. Aktar tard, il-vittma ġiet iċċertifikata bi ġrieħi serji.
L-investigazzjonijiet tal-Pulizija għadhom għaddejjin.