(PR 102/26)
Il-Pulizija qiegħda tinvestiga s-sejba ta’ kadavru fil-baħar fl-inħawi ta’ Fomm ir-Riħ.
Il-kadavru ntlemaħ għall-ħabta tat-tlieta u nofs ta’ waranofsinhar (1530hrs) u l-Pulizija marret minnufih fuq il-post.
Bl-assistenza ta’ Patrol boat tal-Forzi Armati ta’ Malta, ittella l-kadavru mill-baħar u ddaħħal il-Marfa. F’dan l-istadju il-kadavru ma jistax jiġi identifikat peress li nstab fi stat avvanzat ta’ dekompożizzjoni.
Bil-każ ġie nfurmat il-Maġistrat Dr Philip Galea Farrugia LL.D, li ħatar diversi esperti sabiex jassistuh fl-inkjesta li ġiet appuntata, filwaqt li mistennija ssir awtopsja fuq il-kadavru sabiex tiġi stabbilità l-kawża tal-mewt.
L-investigazzjoni tal-Pulizija dwar dan il-każ għadha għaddejja.