(PR 302/25)
Raġel ta’ 48 sena jinsab l-isptar għall-kura wara li ndarab waqt li kien qiegħed jagħmel xi xogħol relatat mal-manifattura tal-logħob tan-nar.
L-inċident seħħ l-erbgħa 18 ta’ Ġunju għall-ħabta tad-disgħa ta’ filgħaxija (2100hrs) f’kamra tan-nar fi Triq taż-Żellieqa, l-Qrendi.
Ir-raġel, li joqgħod il-Qrendi stess, ingħata l-ewwel għajnuna fuq il-post minn tim mediku u ittieħed l-Isptar Mater Dei b’ambulanza għal aktar kura, fejn iktar tard ġie ċċertifikat bi ġrieħi serji.
Il-Maġistrat Dr Antoine Agius Bonnici LL. D ġie infurmat bil-każ u ħatar inkjesta filwaqt li l-investigazzjonijiet rigward il-każ għadhom għaddejjin.