(PR 461/26)
Indjan ta’ 27 sena residenti Raħal Ġdid, tilef ħajtu f’inċident tat-traffiku li seħħ illum, għall-ħabta ta’ nofsinhar neqsin kwart (1145hrs) fi Triq Tal-Ħandaq, Ħal Qormi.
Mill-ewwel stħarriġ li sar irriżulta li r-raġel kien qed isuq trakk tal-għamla Toyota Toyace li kien involut f’ħabta ma’ vettura DAF CF85, misjuq minn raġel 39 sena residenti Ħal Tarxien.
Fuq il-post issejħu l-membri mid-Dipartiment tal-Protezzjoni Ċivili u tim mediku, iżda sfortunatament ir-raġel kien iċċertifikat mejjet fuq il-post.
Il-Maġistrat Dr Monica Borg Galea LL.D kienet infurmata bl-inċident u ħatret inkjesta.
L-investigazzjonijiet tal-Pulizija għadhom għaddejjin.