(PR310/24)
Azzjoni immedjata mill-Pulizija wasslet għall-arrest ta’ raġel waqt li kien qiegħed iwettaq serqa f’ħanut f’San Ġiljan.
Minn investigazzjonijiet ulterjuri rriżulta li r-raġel allegatament wettaq disa’ serqiet oħra li seħħew matul l-aħħar ġimgħat minn diversi ħwienet, uffiċini u lukanda fil-Gżira.
Ir-raġel allegatament seraq diversi oġġetti fosthom ammont konsiderevoli ta’ flus kontanti u apparat elettroniku, kif ukoll għamel diversi ħsarat.
Ir-raġel, li huwa Taljan ta’ 30 sena residenti Birżebbuġa, ser ikun qiegħed jitressaq l-Qorti fil-jiem li ġejjin.
L-investigazzjonijiet tal-Pulizija għadhom għaddejjin.