PR 605/26
Illum, għall-ħabta tas-siegħa u kwart ta’ waranofsinhar (1315hrs), il-Pulizija ġiet mitluba tassisti f’sit ta’ kostruzzjoni fiż-Żona Industrijali ta’ Ħal Far.
Il-Pulizija marret minnufih fuq il-post u minn stħarriġ preliminari li sar, irriżulta li ħaddiem Tork ta’ 51 sena, residenti l-Imqabba, sofra xi ġrieħi meta waqa’ fuqu xi materjal li kien qed itella’ permezz ta’ tower crane.
Fuq il-post issejjaħ tim mediku u membri mid-Dipartiment tal-Protezzjoni Ċivili sabiex jassistu. Sfortunatament, ftit tal-ħin wara, huwa ġie ċċertifikat mejjet fuq il-post.
Bil-każ kien infurmat l-Maġistrat Dr Joe Mifsud LL.D li fetaħ inkjesta.
L-investigazzjonijiet mill-Pulizija, flimkien mal-Awtorità għas-Saħħa u s-Sigurtà fuq il-Post tax-Xogħol u l-Awtorità tal-Bini u l-Kostruzzjoni għadhom għaddejjin.