(PR 340/25)
Kmieni filgħodu, għall-ħabta tal-erbgħa u kwart (0415hrs), il-Pulizija ġiet infurmata li kien hemm bżonn l-assistenza fi Triq Spinola, San Ġiljan.
Il-Pulizija marret mill-ewwel fuq il-post u minn investigazzjonijiet preliminari li saru rriżulta li Ingliż ta’ 25 sena kien waqa’ minn gallarija ta’ lukanda.
Fuq il-post issejjaħ tim mediku, iżda sfortunatament hu kien iċċertifikat mejjet fuq il-post.
Bil-każ ġie nfurmat il-Maġistrat Dr Philip Galea Farrugia LL.D li ħatar diversi esperti sabiex jassistu fl-inkjesta li ġiet appuntata, filwaqt li l-investigazzjonijiet mill-Pulizija għadhom għaddejjin.