Il-Korp tal-Pulizija javża b’tibdil fid-dokumenti li wieħed irid jippreżenta meta jiġi biex iġedded il-liċenzja tal-armi minn Jannar 2025:

Għal-Liċenzja ta’ Kollettur A u A Speċjali jridu jiġu ppreżentati

1) L-approvazzjoni tal-klabb bħala kolletur tal-armi:

2) Formola ta’ Ċertifikazzjon tas-Saħħa (Firearms Ownership Health Certification Form) li ma tkunx ilha maħruġa iktar minn xahrejn minn meta l-persuna liċenzjata tmur biex iġedded il-liċenzja

Għal-Liċenzja ta’ Kolletur B irid jiġi ppreżentat

1) Formola ta’ Ċertifiazzjoni tas-Saħħa (Firearms Ownership Health Certification Form) lli m atkunx ilha maħruġa iktar minn xahrejn minn meta l-persuna liċenzjata biex iġedded il-liċenzja.

Għal-Liċenzja ta’ Sparar bil-mira A u B iridu jiġu ppreżentati

1) L-approvazzjoni tal-klabb bħala membru li jispara fuq targets;

2) Polza tal-assigurazzjoni għal riskji ta’ terzi pesuni;

3) Formola ta’ Ċertifikazzjoni tas-Saħħa (Firearms Ownership Health Certification Form) li ma tkunx iha iktar minn xahrejn minn meta l-persuna liċenzjata tmur biex iġedded il-liċenzja

Għal-Liċenzja ta’ Sparar bil-mira A Speċjali jridu jiġu ppreżentati

1) L-approvazzjoni tal-klabb bħala membru li jispara fuq targets u li wieħed jista’ jipprattika b’mod attiv jew li qed jipparteċipa f’kompetizzjonijiet ta’ sparar hekk kif inhu mitlub mir-regolament;

2) Polza ta’ assigurazzjoni għal riskji ta’ terzi persuni;

3)Formola ta’ Ċertifikaazjoni tas-Saħħa (Firearms Ownership Health Certification Fom) li ma tkunx ilha maħruġa iktar minn xahrejn minn meta l-persuna liċenzjata tmur biex iġedded il-liċenzja.

Għal-Liċenzji tal-Kaċċa jridu jiġu ppreżentati

1)Rakkomandazzjoni maħruġa minn organiżazzjoni mwaqqfa skond il-liġi li tkun tirrapreżenta lill-kaċċaturi;

2)Polza tal-assikurazzjoni għal riskji ta’ terzi persuni;

3)Formola ta’ Ċertifikaazjoni tas-Saħħa (Firearms Ownership Health Certification Fom) li ma tkunx ilha maħruġa iktar minn xahrejn minn meta l-persuna liċenzjata tmur biex iġedded il-liċenzja.

Nota: Il-formoli msemmija iżjed ’il fuq huma aċċessibbli mis-sit www.pulizija.gov.mt taħt il-kategorija – Servizzi.

Il-Korp tal-Pulizija jixtieq javża wkoll li mit-18 ta’ Novembru 2024, ġew iċċentralizza s-servizz tat-trasferimenti tal-Armi f’Malta u dan bil-għan li dal-proċess isir iżjed effiċjenti u salv għal xi eċċezzjonijiet, it-trasferiment isir dak il-ħin stess.

Dawn it-trasferimenti issa se jibdew isiru kollha mill-Uffiċċju tal-Armi fi ħdan il-Kwartieri Ġenerali tal-Pulizija, Furjana fil-ħinijiet tal-ftuħ tal-uffiċċju:

mit-Tnejn sal-Ġimgħa

07:30 AM – 12:00 PM

12:30 PM – 2:15 PM

It-trasferimenti tal-Armi f’Għawdex se jibqgħu jsiru fl-Uffiċċju tal-Pulizija, ġewwa r-Rabat Għawdex.