(PR 96/25)
Din l-Istqarrija Stampa qed tiġi kkomunikata bħala aġġornament għall-Istqarrija Stampa PR 91/25 maħruġa nhar it-18 ta’ Frar 2025 u għall-Istqarrija Stampa PR 92/25 maħruġa nhar it-19 ta’ Frar 2025.
Investigazzjonijiet intensivi b’rabta maż-żewġ serqiet li seħħew nhar it-Tlieta filgħaxija f’banek tal-lottu f’Birkirkara u Burmarrad, wasslu biex ġew arrestati żewġt irġiel li allegatament kienu involuti fiż-żewġ serqiet.
Mill-investigazzjonijiet illi saru rriżulta li wieħed mill-irġiel, li ġie identifikat bħala Serb, allegatament daħal fiż-żewġ banek tal-lottu armat b’sikkina u wettaq is-serqa, waqt li r-raġel l-ieħor, li ġie identifikat bħala Sirjan, kien qiegħed jistenna barra f’vann.
Wara li ġie identifikat il-vann li ntuża, kompliet it-tfittxija għaż-żewġ persuni fejn il-vettura nstabet ipparkjata barra residenza f’San Pawl il-Baħar, li wasslet għall-arrest tas-Sirjan f’San Pawl il-Baħar u għall-arrest tas-Serb minn residenza fil-Mosta.
Waqt li ż-żewġ persuni qegħdin jinżammu fil-lock-up tal-Pulizija, il-Floriana għal aktar investigazzjonijiet, l-istħarriġ tal-Pulizija, kif ukoll l-inkjesta Maġisterjali għadhom għaddejjin.