Imla l-Formola għal talba biex tiġi kkuntattjat/a mir-Remote Reporting Unit.

Imla l-informazzjoni sempliċi f'din il-formola biex nikkuntattjawk lura. Ipprovdi dettalji inizjali dwar l-inċident, agħżel il-metodu ta’ kuntatt preferut tiegħek u agħżel id-data u l-ħin li tixtieq tirċievi t-telefonata.

Irċievi Telefonata Lura

Uffiċjal tal-pulizija mħarreġ se jikkuntattjak fil-ħin speċifikat bl-użu tal-metodu ta’ komunikazzjoni preferut tiegħek:

WhatsApp, Google Meet, Apple FaceTime, Microsoft Teams, jew telefonata regolari.

Interazzjoni Live

Matul it-telefonata, l-uffiċjal se jagħmel mistoqsijiet dettaljati biex jiżgura li tinġabar l-informazzjoni kollha meħtieġa għar-rapport. Tista’ wkoll turi kwalunkwe ħsarat jew evidenza permezz tal-video call.

Ibgħat Informazzjoni Addizzjonali

Jekk ikun meħtieġ, se tintalab tibgħat informazzjoni addizzjonali bħal ritratti jew dokumenti permezz tal-imejl.

Kumpilazzjoni tar-Rapport

L-uffiċjal se jagħmel rapport bid-dettalji kollha li tajt u jdaħħlu fis-sistema tal-pulizija (National Police System - NPS)

Se jingħatalek numru tar-Rapport tal-Pulizija u kopja tar-rapport.

Segwitu (jekk meħtieġ)

Għal ċerti każijiet li jeħtieġu aktar investigazzjoni, ir-rapport se jiġi riferut lid-distrett jew lit-taqsima rispettiva għal segwitu.