(PR 357/24)
Fl-aħħar jiem, inkluż fi tmiem il-ġimgħa, issokta l-infurzar marbut mal-immigrazzjoni. F’din il-ħidma, 60 persuna kienu arrestati wara li nstabu jgħixu jew jaħdmu fil-pajjiż b’mod irregolari.
Il-persuni arrestati ttieħdu kollha f’ċentru ta’ detenzjoni sakemm isiru t-tħejjijiet neċessarji biex jiġu ritornati fil-pajjiż tal-oriġinu tagħhom jew fil-pajjiż li għandhom permess jirrisjedu fih.
Għal uħud minn dawn l-ispezzjonijiet, il-Pulizija kienu assistiti minn uffiċjali mill-Aġenzija għas-Servizzi ta’ Detenzjoni.
L-infruzar marbut mal-immigrazzjoni hu wieħed kontinwu, u se jibqa’ għaddej fil-jiem li ġejjin, inkluż b’ħidma koordinata mill-Korp tal-Pulizija, flimkien mal-entitajiet l-oħra tal-immigrazzjoni, kif ukoll tax-xogħol.