Biex ikunu eliġibbli għal-Liċenzja ta’ Gwardjan Privati skont ir-Regolamenti dwar Gwardjani Privati, l-individwi jridu jissodisfaw kriterji speċifiċi u jgħaddu minn proċess ta’ applikazzjoni strutturat kif spjegat fil-Leġiżlazzjoni Sussidjarja 389.01, “Regolamenti Dwar Gwardjani Privati”. L-għan huwa li jinżammu standards għoljin ta’ professjonaliżmu, sikurezza, u effettività fi ħdan is-settur tal-gwardjani privati, u b’hekk jiġi salvagwardjat il-benesseri tal-pubbliku u l-integrità tal-proprjetajiet li jipproteġu.

Skop

 

  • Pussess ta’ Liċenzja Valida ta’ Gwardjan Privat: individwi huma meħtieġa li jkollhom liċenzja valida maħruġa mill-Kummissarju tal-Pulizija biex joperaw legalment bħala gwardjani privati.

 

 

Applikazzjoni u Eliġibilità

 

  • Rekwiżit tal-Età: L-applikanti jrid ikollhom mill-inqas tmintax-il sena biex jikkwalifikaw għal-liċenzja bħala gwardjan privat.

 

  • Sottomissjoni tal-Applikazzjoni: Il-gwardjani privati prospettivi jridu japplikaw fl-Uffiċċju tal-Liċenzji tal-Pulizija, billi jipprovdu d-dokumenti neċessarji bħal identifikazzjoni, ċertifikati ta’ taħriġ, u referenzi minn impjegati preċedenti jekk applikabbli. Il-proċess tal-applikazzjoni jinkludi miżata, u mal-approvazzjoni, il-ħruġ tal-liċenzja hija valida għal sena.

 

  • Miżata: Il-miżata tal-applikazzjoni għal-Liċenzja ta’ Gwardjan Privat huwa ta’ tlieta u għoxrin ewro u disgħa u għoxrin ċenteżmu (€23.29). Il-ħlas annwali għat-tiġdid huwa ta’ ħdax-il ewro u ħamsa u sittin ċenteżmu (€11.65). Id-detenturi tal-liċenzja jridu jagħtu prova tal-attendenza f’kors ta’ aġġornament ta’ 10 sigħat kull sena għat-tiġdid.

 

 

Rekwiżiti u Kundizzjonijiet

 

  • Taħriġ u Ċertifikazzjoni: individwi li jridu l-liċenzja għandhom itemmu korsijiet ta’ taħriġ approvati, u jipprovdu ċ-ċertifikat tat-tlestija lill-Kummissarju tal-Pulizija. Dan ir-rekwiżit ma jgħoddx għal dawk b’esperjenza ta’ servizz fil-Pulizija, il-Forzi Armati, jew fis-Servizzi tal-Ħabs. Għal irwoli speċjalizzati, bħal gwardjani privati f’postijiet ta’ divertiment jew gwardjani privati speċjalizzati, l-applikanti għandhom juru prova ta’ mill-inqas ħames snin ta’ servizz f’oqsma rilevanti jew bħala gwardjan privat, flimkien ma’ referenzi ta’ prestazzjoni sodisfaċenti.

 

  • Tiġdid u Edukazzjoni Kontinwa: It-tiġdid tal-liċenzja huwa dipendenti fuq it-tlestija ta’ mill-inqas għaxar sigħat ta’ taħriġ kontinwu kull sena u li fih jiġi żgurat li l-gwardjani privati jibqgħu infurmati sew dwar dmirijiethom u kwalunkwe bidla fil-liġijiet jew ir-regolamenti rilevanti.

 

Uffiċċju tal-Liċenzji tal-Pulizija

 

Indirizz: Kwartieri Ġenerali tal-Pulizija, Pjazza San Kalċidonju, il-Furjana, FRN 1530

Ħinijiet tal-Ftuħ: Mit-Tnejn sal-Ġimgħa 7:30 AM – 2:15 PM*
(Magħluqin għal kwarta brejk min-12:00 PM sal-12:15 PM)

Imejl: [email protected]

Telefon: 21224001

 

 

Akkademji Awtorizzati għall-Gwardjani Privati / Korsijiet għall-Gwardjani Privati Speċjali

Il-Korp tal-Pulizija ta’ Malta jawtorizza akkademji speċifiċi biex jagħtu taħriġ lill-gwardjani privati u uffiċjali tal-komunità. Dawn l-akkademji jirċievu approvazzjoni annwali mill-Kummissarju tal-Pulizija, li tikkonferma li jkunu ssodisfaw l-istandards meħtieġa. Individwi li jsegwu karrieri f’dawn l-oqsma għandhom ilestu t-taħriġ tagħhom f’waħda mill-istituzzjonijiet akkreditati elenkati hawn taħt:

Definitions: PG = Private Guards, PGE = Private Guards For Places Of Entertainment, SPGD = Special Private Guard Driving, SPGND = Special Private Guard Non-Driving.

 

 

 

 

 

 

 

 

 

 

 

 

 

 

  • Gold Guard Security Services Ltd
    PG/PGE/SPGD-ND Courses