(PR 5/25)
Il-Pulizija qiegħda tinvestiga serqa li allegatament seħħet aktar kmieni llum minn residenza fil-Gżira.
Kienu xi d-disgħa ta’ filgħodu (0900hrs), meta l-Pulizija ġiet infurmata li ftit qabel, persuna ħabtet fuq bieb ta’ appartament fi Triq Giacint Tua, allegatament b’sikkina u daħlet f’residenza fejn dak il-ħin kien hemm raġel ta’ 28 sena minn Nepal.
Jirriżulta li l-persuna armata sakret lir-raġel fil-gallarija u wara li nsterqu diversi oġġetti, il-persuna ħarbet minn fuq il-post. Ħadd ma weġġa’, bil-Pulizija għaddejja bit-tfittxija għall-ħalliel.
L-investigazzjonijiet għadhom għaddejjin.