(PR 548/25)
Raġel ta’ 31 sena residenti s-Siġġiewi sofra ġrieħi serji kawża ta’ ħruq waqt li kien qed jagħmel xi xogħol f’San Pawl il-Baħar.
Kienu għal xi nofsinhar (1200hrs), xħin il-Pulizija ġiet infurmata li kien hemm bżonn l-assistenza ġewwa propjetà fi Triq San Franġisk.
Mill-ewwel stħarriġ irriżulta li r-raġel weġġa’ waqt li kien qed jaħdem bi blow lamp waqt xogħol ta’ manutenzzjoni.
Huwa ngħata l-għajnuna minn tim mediku, ittieħed l-Isptar Mater Dei b’ambulanza u ġie ċċertifikat li sofra ġrieħi serji.
Bil-każ ġiet infurmata l-Maġistrat Dr Monica Borg Galea LL.D li fetħet inkjesta, filwaqt li l-investigazzjonijiet tal-Pulizija, flimkien mal-Awtorità għas-Saħħa u s-Sigurtà fuq il-Post tax-Xogħol għadhom għaddejjin