(PR 495/25)
Raġel ta’ 52 sena miż-Żurrieq, għal xi l-ħdax u nofs ta’ filgħaxija (2330hrs), ittieħed l-Isptar Mater Dei għax sofra xi ġrieħi f’inċident tat-traffiku ġewwa parkeġġ fi Triq il-Mina ta’ Hompesch, Ħaż-Żabbar.
Mill-ewwel stħarriġ irriżulta li l-vittma ntlaqat minn Toyota Vitz, li kienet qed tinstaq minn raġel ta’ 26 sena residenti l-Kalkara.
Ir-raġel ingħata l-għajnuna minn tim mediku, ittieħed l-isptar b’ambulanza u ġie ċċertifikat
li sofra ġrieħi serji.
Bil-każ ġie infurmat il-Maġistrat Dr Philip Galea Farrugia LL.D li fetaħ inkjesta filwaqt li l-investigazzjonijiet mill-Pulizija għadhom għaddejjin.