(PR 114/25)
Raġel ta’ 30 sena residenti ix-Xagħra, Għawdex, ġie arrestat wara li nstab fil-pussess ta’ 300 gramma sustanza allegatament kokaina, b’valur fis-suq li jaqbeż it-€30,000.
Ir-raġel kien arrestat ilbieraħ waqt li l-pulizija kienu qegħdin iwettqu spezzjonijiet fi Triq ix-Xatt, Għajnsielem, fit-tlieta ta’ waranofsinhar (1500hrs). Ir-raġel, li kien nieżel minn fuq vapur fil-Port tal-Imġarr, beda jaġixxi b’mod suspettuż xħin lemaħ lill-pulizija. Għaldaqstant avviċinawh u fi tfittxija li saret fuqu, f’pouch li kien marbut ma’ qaddu, il-pulizija sabu pakkett tal-plastik imdawwar b’tape kannella li kien fih sustanza bajda, suspettata droga kokaina.
Ir-raġel ġie arrestat minnufih, u ttieħed l-għassa għall-interrogazzjoni u wara ttieħed fil-lock-up tal-Pulizija, ir-Rabat, Għawdex.
ll-Maġistrat Dr Brigitte Sultana LL.D ġiet infurmata bil-każ u fetħet Inkjesta Maġisterjali.
This afternoon, the man was arraigned under arrest in the Gozo Court before Magistrate Dr Simone Grech LL.D where he was charged with drug possession and trafficking. He pleaded not guilty to the charges, however he was remanded in preventive custody at the Corradino Correctional Facility.
L-investigazzjonijiet tal-Pulizija għadhom għaddejjin.