(PR 56/25)
Ilbieraħ, għall-ħabta tas-sebgħa ta’ filgħaxija (1900hrs), il-Pulizija ġiet infurmata b’inċident tat-traffiku fi Triq il-Palma, Raħal Ġdid.
Il-Pulizija marret minnufih fuq il-post u minn stħarriġ preliminari rriżulta li raġel ta’ 68 sena residenti Raħal Ġdid, intlaqat minn Renault Clio li kienet qed tinstaq minn raġel ta’ 44 sena, ukoll residenti Raħal Ġdid.
Il-vittma ngħata l-għajnuna minn tim mediku u ttieħed l-Isptar Mater Dei b’ambulanza. Aktar tard huwa kien iċċertifikat bi ġrieħi gravi. Aktar tard huwa kien iċċertifikat bi ġrieħi gravi.
Il-Pulizija għaddejja bl-investigazzjonijiet fuq il-każ.