PR 635/26
Marokkin ta’ 45 sena ġie arrestat fl-Ajruport Internazzjonali ta’ Malta b’rabta ma’ allegat importazzjoni ta’ 150 kapsula mimlija b’sustanza suspettata droga raża tal-kannabis.
Wara informazzjoni miġbura rriżulta li l-Marokkin kien qiegħed jivvjaġġa mill-Marokk għal Spanja u wara lejn Malta, b’suspett li aktarx huwa involut f’ċirku kriminali ta’ traffikar tad-droga. Għaldaqstant, kekk kif il-Pulizija rċeviet l-informazzjoni li kien se jasal Malta fuq titjira minn Madrid, saru spezzjonijiet fuq il-passiġġieri ta’ din it-titjira u ġie arrestat.
Din l-operazzjoni ħalliet il-frott mixtieq hekk kif wara li ttieħed l-Isptar Mater Dei u saru l-iscans neċessarji, instabu mal-150 kapsula fl-istonku tiegħu, total ta’ kilo u nofs suspettata raza tal-kannabis, b’valur fit triq ta’ €30,000.
Il-Maġistrat Dr Philip Galea Farrugia LL.D. ġie infurmat u fetaħ inkjesta, filwaqt li ħatar diversi esperti sabiex jassistuh.
Sa dan it-tant huwa qiegħed jinżamm arrestat fil-lock-up tal-Pulizija għal aktar stħarriġ u mistenni jitressaq il-Qorti illum, għall-ħabta ta’ nofsinhar (1200hrs), quddiem il-Maġistrat Dr Abigial Criten LL.D.