(PR 37/26)
Żewġt irġiel ittieħdu l-Isptar Mater Dei wara li weġġgħu f’żewġ inċidenti separati tat-traffiku aktar kmieni llum.
L-ewwel inċident seħħ għall-ħabta tas-sebgħa u nofs ta’ filgħodu (0730hrs), fi Triq il-Belt Valletta, iż-Żurrieq. Mill-investigazzjonijiet preliminari rriżulta li kienet seħħet ħabta bejn Toyota Tercel misjuqa minn raġel ta’ 42 sena residenti l-Mosta u mutur Honda WW125 misjuq minn raġel ta’ 28 sena residenti ż-Żurrieq.
It-tieni inċident ġara għal xi t-tmienja ta’ filgħodu (0800hrs), fi Triq Wied iz-Ziju, Wied il-Għajn. Mill-ewwel stħarriġ irriżulta li raġel mill-Bangladesh ta’ 36 sena u residenti Wied il-Għajn, tilef il-kontroll tal-mutur Vogue 300AC u waqa’.
Tim mediku ta l-assistenza fiż-żewġ inċidenti u ż-żewġ xufiera tal-muturi ttieħdu l-isptar b’ambulanza għall-kura medika, fejn ġew iċċertifikati li weġġgħu b’mod gravi.
L-investigazzjonijiet mill-Pulizija għadhom għaddejjin.