(PR 53/25)
Żewġt irġiel ittieħdu l-Isptar Mater Dei wara li weġġgħu f’żewġ inċidenti separati tat-traffiku aktar kmieni llum.
L-ewwel inċident seħħ għall-ħabta tal-ħamsa ta’ filgħodu (0500hrs), fi Triq Ħal Farruġ, Ħal Luqa. Mill-investigazzjonijiet preliminari rriżulta li raġel ta’ 34 sena li joqgħod il-Qrendi kien qiegħed isuq Ford Fiesta, tilef il-kontroll u ħabat f’arblu tad-dawl.
It-tieni inċident ġara għal xi s-siegħa neqsin kwart ta’ waranofsinhar (1245hrs), fi Triq D’Argens, il-Gżira. Mill-ewwel stħarriġ irriżulta li seħħet ħabta bejn mutur Yamaha YB125 misjuq minn raġel ta’ 59 sena residenti l-Fgura u karozza Mazda Demio misjuqa minn raġel ta’ 30 sena residenti Birkirkara.
Tim mediku ta l-assistenza fiż-żewġ inċidenti u ż-żewġt irġiel ta’ 34 u 59 sena ttieħdu l-isptar b’ambulanza għall-kura medika, fejn ġew iċċertifikati li weġġgħu b’mod gravi.
L-investigazzjonijiet tal-Pulizija għadhom għaddejjin.