(PR 496/26)
Raġel u mara ittieħdu l-Isptar Mater Dei wara li weġġgħu f’żewġ inċidenti separati tat-traffiku aktar kmieni llum.
L-ewwel inċident seħħ għall-ħabta tat-tmienja ta’ filgħodu (0800hrs), fi Triq Valletta, il-Marsa. Mill-investigazzjonijiet preliminari rriżulta li seħħet ħabta bejn mutur Kymco misjuq minn Indjan ta’ 28 sena residenti l-Imsida u karozza Toyota Ractis misjuqa minn mara ta’ 51 sena residenti r-Rabat.
It-tieni inċident ġara għal xi t-tmienja u kwart ta’ filgħodu (0815hrs), fi Triq il-Belt Valletta, iż-Żurrieq. Mill-ewwel stħarriġ irriżulta li seħħet ħabta bejn mutur Honda misjuq minn mara ta’ 30 sena residenti ż-Żurrieq u karozza Toyota Yaris misjuqa minn mara ta’ 38 sena residenti ż-Żurrieq.
Tim mediku ta l-assistenza fiż-żewġ inċidenti u ż-żewġ xufiera tal-muturi ttieħdu l-isptar b’ambulanza għall-kura medika, fejn ġew iċċertifikati li weġġgħu b’mod gravi.
L-investigazzjonijiet tal-Pulizija għadhom għaddejjin.