(PR 451/26)
Żewġ persuni ttieħdu l-Isptar Mater Dei wara li lbieraħ weġġgħu f’inċidenti separati tat-traffiku.
L-ewwel inċident seħħ għall-ħabta tal-ħamsa ta’ waranofsinhar (1700hrs), fi Vjal ir-Riħan, San Ġwann.
Mill-investigazzjonijiet preliminari rriżulta li seħħ impatt bejn Daihatsu Sirion misjuqa minn mara ta’ 44 sena residenti San Ġwann u mutur Aprilia misjuq minn raġel ta’ 32 sena residenti Birkirkara.
It-tieni inċident ġara għall-ħabta tad-disgħa ta’ filgħaxija (2100hrs), fi Triq Joe Scibberras, il-Ħamrun. Mill-ewwel stħarriġ irriżulta li mara ta’ 69 sena resdenti l-Pietà intlaqtet minn Volgswagen Golf misjuqa minn Sirjan ta’ 23 sena.
Tim mediku ta’ l-assistenza fiż-żewġ inċidenti, fejn aktar tard ix-xufier tal-mutur kien iċċertifikat bi ġrieħi gravi, filwaqt li l-mara ta’ 69 sena kienet iċċertifikata bi ġrieħi serji.
L-investigazzjonijiet tal-Pulizija dwar iż-żewġ inċidenti għadhom għaddejjin, filwaqt li l-Maġistrat Dr Tanya Sammut ħatret inkjesta dwar l-inċident fil-Ħamrun.