Il-Korp tal-Pulizija ta’ Malta għandu hub uffiċjali għall-oġġetti mitlufa u misjuba. Inħeġġuk iżżur din il-paġna onlajn jekk tlift jew sibt oġġett.
Jekk l-oġġett mitluf tiegħek mhuwiex hemmhekk, ifisser li għadu ma nstabx u ma nġieb fl-ebda għassa tal-pulizija. Madankollu, taqtax qalbek u erġa’ ċċekkja spiss. Barra minn hekk, kull tliet xhur il-Gazzetta tal-Gvern tippubblika lista ta’ Oġġetti Misjuba li jkunu nstabu u ġew mgħoddija lill-pulizija.
Iva, nħeġġuk tagħmel rapport lill-pulizija, speċjalment jekk l-oġġett ikun ta’ valur għoli, perikoluż (bħal arma tan-nar jew kimika), jew meqjus bħala dokument uffiċjali bħal Passaport jew pjanċa tar-reġistrazzjoni tal-vettura.
Individwi li jsibu xi oġġett mitluf huma obbligati bil-liġi li jeħduh fl-eqreb għassa tal-pulizija fi żmien tlett ijiem.