(PR 538/26 & PR 539/26)
Illum, għall-ħabta tas-siegħa ta’ waranofsinhar (1300hrs), il-Pulizija ġiet infurmata li kien hemm bżonn l-assistenza tagħha wara li madwar mil u nofs ‘il barra mill-kosta ta’ San Ġiljan, weġġgħu xi persuni.
Il-Pulizija marru immedjatament fuq il-post u minn investigazzjoni preliminari rriżulta li mara u raġel kienu qed jipprattikaw il-parasailing u aktarx kawża tar-riħ spiċċaw waqgħu fil-baħar.
Huma nġiebu lura l-art permezz ta’ dgħajsa oħra li kienet fil-viċinanzi, fejn ingħataw l-assistenza minn tim mediku.
Sfortunatament, ir-raġel, li huwa Ingliż u għandu 59 sena, ġie ċċertifikat mejjet fuq il-post, filwaqt li l-mara, li hija Ingliża u għanda 60 sena, ittieħdet l-Isptar Mater Dei b’ambulanza, fejn ġiet iċċertifikata bi ġrieħi gravi.
Il-Maġistrat Dr Renata Farrugia LL.D ġiet infurmata bil-każ u ħatret inkjesta.
L-investigazzjonijiet tal-Pulizija għadhom għaddejjin.