(PR 693/24)
Illum, għall-ħabta tal-ħdax neqsin kwart ta’ filgħodu (1045hrs), il-Pulizija ġiet infurmata b’inċident tat-traffiku fi Triq il-Ġermanja, in-Naxxar.
Il-Pulizija marret minnufih fuq il-post u minn stħarriġ preliminari rriżulta li mara ta’ 78 sena u residenti n-Naxxar, tilfet il-kontroll tat-Toyota Vitz li kienet qed issuq u ħabtet fi trakk li kien ipparkjat.
Il-vittma ngħatat l-għajnuna minn tim mediku, ittieħed l-Isptar Mater Dei b’ambulanza u ġiet iċċertifikata li weġġgħet serjament.
Il-Maġistrat Dr Joe Mifsud LL.D ġie infurmat bil-każ u ħatar inkjesta.
Membri mid-Dipartiment tal-Protezzjoni Ċivili kienu wkoll fuq il-post sabiex jassistu.
Il-Pulizija għaddejja bl-investigazzjonijiet fuq il-każ.