(PR 705/24)
Ilbieraħ, għall-ħabta tat-tlieta u nofs ta’ waranofsinhar (1530hrs), il-Pulizija ġiet infurmata b’inċident tat-traffiku fi Triq Mikiel Anton Vassalli, San Ġiljan.
Il-Pulizija marret minnufih fuq il-post u minn stħarriġ preliminari rriżulta li raġel ta’ 28 sena u residenti ż-Żejtun, tilef il-kontroll tal-BMW li kien qed isuq u nqaleb. Fil-vettura kien hemm ukoll ġuvni ta’ 25 sena miż-Żejtun.
Il-ġuvni ta’ 25 sena ngħata l-għajnuna minn tim mediku, ittieħed l-Isptar Mater Dei b’ambulanza u ġie ċċertifikat li sofra ġrieħi gravi.
Membri mid-Dipartiment tal-Protezzjoni Ċivili kienu wkoll fuq il-post sabiex jassistu..
Il-Pulizija għaddejja bl-investigazzjonijiet fuq il-każ.