(PR 684/24)
Ilbieraħ, għall-ħabta (1945 hrs), il-Pulizija ġiet infurmata b’ inċident tat-traffiku f’Dawret il-Gudja, il-Gudja.
Mill-ewwel stħarriġ irriżulta li seħħet ħabta bejn vettura tat-tip Skoda Fabia misjuqa minn raġel ta’ 50 sena residenti l-Gudja u vettura tat-tip Ford Fiesta, li dak il-ħin kienet fil-ġenb tat-triq b’puncture
Fil-ħin tal-impatt, raġel ta’ 29 sena minn Birżebbuġa weġġa’ wara li nqabad bejn iż-żewġ vetturi.
Il-vittma ngħata l-għajnuna minn tim mediku, ittieħed l-Isptar Mater Dei b’ambulanza u ġie ċċertifikat bi ġrieħi serji.
Il-Maġistrat Dr Ian Farrugia LL. ġie infurmat bil-każ u ħatar inkjesta.
Membri mid-Dipartiment tal-Protezzjoni Ċivili kienu wkoll fuq il-post sabiex jassistu.
Il-Pulizija għaddejja bl-investigazzjonijiet fuq il-każ.