(PR 139/25)
Illum, għall-ħabta tat-tmienja ta’ filgħodu (0800hrs), il-Pulizija ġiet infurmata li kien hemm bżonn l-assistenza fi Vjal il-Ħelsien, Ħaż-Żebbuġ.
Il-Pulizija marret minnufih fuq il-post u minn stħarriġ preliminari li sar irriżulta li raġel ta’ 68 sena u mara ta’ 64 sena, it-tnejn residenti Ħaż-Żebbuġ, sofrew xi ġrieħi wara li ntlaqtu minn Peugeot 306 li kienet qed tinstaq minn raġel ta’ 59 sena residenti Ħaż-Żebbuġ.
Fuq il-post issejjaħ tim mediku u ambulanza ħadet liż-żewġ persuni l-Isptar Mater Dei għal kura. Aktar tard, il-mara ġiet iċċertifikata bi ġrieħi gravi filwaqt li r-raġel sofra ġrieħi ta’ natura ħafifa.
L-investigazzjonijiet mill-Pulizija għadhom għaddejjin.