(PR 287/25)
Illum għall-ħabta tal-għaxra ta’ filgħodu (1000hrs), il-Pulizija ġiet infurmata b’inċident tat-traffiku fi Triq Villabate, Wied il-Għajn.
Mill-ewwel stħarriġ irriżulta li seħħ impatt bejn van Peugeot Partner li kien qed jinstaq minn raġel ta’ 38 sena mill-Kosta tal-Avorju u residenti l-Marsa, Nissan March li kienet qed tinstaq minn Taljan ta’ 43 sena u ċiklist ta’ 67 sena residenti ż-Żejtun. Fin-Nissan kien hemm ukoll Taljana ta’ 38 sena li ttieħdet l-Isptar Mater Dei permezz ta’ ambulanza.
Iċ-ċiklist ingħata l-għajnuna minn tim mediku fuq il-post iżda sfortunatament ġie ċċertifikat mejjet. Il-kundizzjoni tat-Taljana għadha mhix magħrufa.
Il-Maġistrat Dr Philip Galea Farrugia LL.D ġie infurmat bil-każ u ħatar inkjesta.
L-investigazzjonijiet mill-Pulizija għadhom għaddejjin.