(PR 11/25)
Raġel ta’ 25 sena residenti l-Imtarfa, tard ilbieraħ filgħaxija tilef ħajtu f’inċident tat-traffiku f’Ħ’Attard.
L-inċident seħħ għall-ħabta tad-disgħa u għoxrin (2120hrs) fi Triq l-Imdina.
Mill-ewwel investigazzjonijiet li saru rriżulta li l-vittma kien qiegħed isuq Mercedes, tilef il-kontroll tagħha, bil-konsegwenza li l-karozza ħabtet f’siġra u spiċċat waqfet ma’ struttura tal-ħadid. Fuq il-post issejħu minnufih il-pulizija, timijiet mediċi minn Mater Dei u membri tal-Protezzjoni Ċivili. Sfortunatament ir-raġel ġie ċċertifikat mejjet fuq il-post.
Il-Maġistrat Dr Ian Farrugia LL.D ħatar inkjesta mgħejun minn diversi esperti, filwaqt li l-investigazzjonijiet tal-Pulizjia b’rabta ma’ dan l-inċident għadhom għaddejjin.