(PR 377/25)
Raġel ta’ 27 sena u residenti Raħal Ġdid, kmieni dalgħodu tilef ħajtu f’inċident tat-traffiku f’Pembroke.
L-inċident seħħ għall-ħabta tas-siegħa (0100hrs) fi Triq Sant’Andrija.
Mill-ewwel stħarriġ li sar irriżulta li kienet seħħet ħabta bejn BMW 1 Series misjuqa minn raġel ta’ 22 sena residenti San Pawl il-Baħar u mutur Honda misjuq mill-vittma.
Ix-xufier tal-mutur minnufih ingħata l-għajnuna minn tim mediku u ttieħed l-Isptar Mater Dei b’ambulanza. Sfortunatament huwa kien iċċertifikat mejjet ftit tal-ħin wara. Sfortunatament huwa kien iċċertifikat mejjet ftit tal-ħin wara.
Il-Maġistrat Dr Ian Farrugia LL.D ġie infurmat bil-każ u ħatar inkjesta.
L-investigazzjonijiet tal-Pulizija dwar dan l-inċident għadhom għaddejjin.