(PR 176/25)
Illum, għall-ħabta tat-tmienja u nofs ta’ filgħodu (0830hrs), il-Pulizija ġiet infurmata b’inċident tat-traffiku fi Triq iż-Żagħfran, Ħ’Attard.
Il-Pulizija marret minnufih fuq il-post u minn stħarriġ preliminari rriżulta li kienet seħħet ħabta bejn Toyota Passo misjuqa minn mara ta’ 19-il sena residenti Birkirkara u mutur Kawazaki misjuq minn raġel ta’ 31 sena u jgħix Birkirkara wkoll.
Fuq il-post issejjaħ tim mediku u ambulanza ħadet lis-sewwieq tal-mutur l-Isptar Mater Dei. Iktar tard, huwa ġie ċċertifikat li weġġa’ serjament.
Il-Maġistrat Dr Ian Farrugia LL. D ġie infurmat bil-każ u ħatar inkjesta, filwaqt li l- investigazzjonijiet tal-Pulizija għadhom għaddejjin.