(PR 675/24)
Illum, għall-ħabta tat-tmienja u kwart ta’ filgħodu (0815hrs), il-Pulizija ġiet infurmata li hemm argument bejn xi ġirien, fi Triq Lepanto, Marsaxlokk.
Minnufih il-Pulizija marret fuq il-post fejn sabu mara ta’ 30 sena b’xi ġrieħi f’wiċċha, allegatament ikkawżat b’arma li taqta’ u bil-ponta. Fl-istess waqt ġew infurmati fejn kien l-allegat aggressur. Il-Pulizija mill-ewwel marret fil-post indikat fejn sabu lill-allegat aggressur, raġel ta’ 32 sena u ġie arrestat.
Il-mara ittieħdet l-Isptar Mater Dei b’ambulanza, fejn ġiet ċċertifikata li qiegħda ssofri minn ġrieħi gravi. Min-naħa l-oħra, r-raġel qiegħed jinżamm arrestat mill-Pulizija sakemm l-investigazzjonijiet għadhom għaddejjin.